Saioreka Entrenamientos personalizados y clases de Yoga

Entrenamendu Pertsonalak

ADUNA, TOLOSALDEA

Kirola eta ariketa fisikoa egunero egiten badituzu, Saioreka zuretzako da.

Mendian zehar egiten duzun ibilalditxo hori gabe, bizikletan ibili edo korrika egitera irten gabe ezin bazara bizi… Ariketa fisikoa zure egunerokoaren parte da eta beharrezkoa den motibazioa duzu kirola egiteko baina orientazioa eta gida faltan botatzen dituzu zure entrenamendu pertsonalak antolatu eta ezinbestekoa dugun gorputz – adimen oreka lortzeko.

Horrela sentitzen zara? Ez al dakizu nola asmatu?

Nik lagunduko dizut!! Plan eta entrenamendu pertsonal batean murgiltzeko momentua da!!

Ezagutu SAIOREKA metodoa

"Nire izena Saioa da eta entrenamendu pertsonalak egiten ditut"

Gaur egun nire ametsa betetzen ari naiz eta esperientziak erakutsi dit dibertigarri ez diren kirol ekintzak, denboran zehar egonkortasunik ez dutela

Saioa naiz, Saioreka metodoaren sortzailea. 22 urte baino gehiagoko esperientzia dut gimnasio desberdinetan lan egiten, horregatik ahobete esan dezaket kirola nire bizitza eta benetako pasioa dela, musika, kooperazioa eta naturarekin batera.

Kirolean murgilduta igarotako bi hamarkada hauetan arlo desberdinetan hezitu naiz. Metodologien eta ariketen eraginkortasuna eta gabeziak aztertu ditut zehaztasunez, beti ere emaitza hoberenak lortzeko asmoz. Nire entrenamendu pertsonalak zure bizitza aldatzeko aukera direla ziur nago, eta zure oreka, osasuna eta zoriontasun maila hobetuz.

Aurrez aurre eta lanketa esklusiboan oinarrituta aritzen naiz, zure behar fisikoek zure originaltasunaren parean egon behar direlako. Zure gorputza, zu bezala, bakarra da, nire klaseak ere halakoxeak dira.

Zertan datza Saioreka metodoa?

ZERGATIAK EZAGUTU

Ez da gauza bera “fisikoa lantzea” edo “gorputza zaintzea”, desberdina den bezela baita ere indarra, erresistentzia, bizkortasuna edo errekuperazioa lantzea. Zure helburua gorputza kirolaren bidez hezitzea bada, zure burua horren jabe izan behar du. Ni zu eta zure helburuen bitartekaria izango naiz.

GORPUTZEKO ARLO GUZTIAK LANDU

Teknika desberdinak lantzeko prest bazaude, gorputz indartsu, orekatu eta arina lortzeko, toki egokian zaude. Zure bizitzan arrazoi garrantzitsuak mugi arazten zaituzten bezela, nirekin egindako ariketa bakoitzak ere bere zentzua izango du. Ez da muskulu lantzea soilik, baizik eta egiturazko koherentzia bere osasunean landuko dugu. Gure baloreek bat egiten badute, elkarrekin egingo dugu lan. Beraz, deitu 679 21 98 77 telefonora informazio gehiago jasotzeko edo izena emateko.

Zure osasuna suspertu

Lehen aipatu dudan bezala, “kirol ekintza dibertigarria ez bada, ez da iraunkorra denboran zehar” zure gorputz eta bururaren orekarako.

Zu entrenamendu pertsonalaz disfrutatzera etor zaitez, nik lagundu eta zainduko baizaitut.

Entrenamendu pertsonalak

Konpromezua, elkarrekiko konfiantza eta kooperazioa nirekin eramaten ditudan hiru oinarrizko balore dira. Hiru osagai hauek gabe ezin izango dugu errezeta goxo, osasuntsu eta berezirik sortu ez zuretzat ezta niretzat ere. Nire klaseetan nutrizio lantzen ez bada ere, eta azkenean entrenamendu pertsonal hauek jasotzera animatzen bazara, erabat elikatuta sentituko zara.

Bidaia eraldatzailea eta dibertigarria izan daiteke, zuk eta zuk bakarrik erabakitzen duzunean bidaia norekin egin nahi duzun.

Izen emateak eta informazio gehiago 679 21 98 77 telefonoan

Eskerrik asko!

Ohar Garrantzitsuak

Entrenamendu pertsonalak jasotzea erabakitzen baduzu, deitu 679 21 98 77 zenbakira , eta beharrezko duzun informazio guztia emango dizut.
Talde txikietan eta jarraipen pertsonalizatua eskeiniko da.

Zure konpromezua ezinbestekoa da, helburua lortzeko bide bakarra.
Ordutegi desberdinak eskaintzen dizkizut hobekien egokitzen zaizuna aukera dezazun. Inoiz etortzerik izango ez bazenu, erritmoa galdu ez dezazun, klasea errekuperatzeko saiakera egingo dut.

Hitz politak, pertsona politak

“
Beti egin izan dut kirola, baina lesio bat medio, egiten nuen hori ezin egin geratu nintzen. Saioarekin hitzegin ondoren, egin nezakeen eta komeni zitzaidan kirola egiten hasi nintzen. Fit Pump eta Yoga egin ditut urtebetez Saioa gidari nuela eta izugarri gustora aritu naiz. Bi kirolak oso desberdinak eta berriak izan dira niretzat, baina oso onak biak nere gorputzaren orekarako eta Saioari esker ikasi dut hori.

Kirolean, gorputzaren posturak ondo ikastea, bakoitzaren neurrian, baina beti aurrera egitea, hobetzen joatea garrantzitsua dela irakatsi dit eta bere animoei esker erraza egin zait lortzea. Mila esker Saioa, profesional ona eta irakasle mundiala izan zara, oso kañera , baina ona benetan. Eta taldeetan ere giro bikaina izan dugu gainera! Jarraituko dugu elkarrekin kirola egiten. Eskerrik asko!!

Kristina Rodriguez
“
Azken bi urte hauetan K-strecheko ikastaroan parte hartu du. Onurak nabarmenak izan dira: bizkarreko mina gutxitu zait, giharreak sendotu eta malgutasun gehiago lortu. Baina lerro hauek aprobetxatu nahi ditut izan dudan Saioa begiralearen jarrera goraipatzeko.

Saioak adierazi duen profesionaltasuna txalotu nahi dut: oso gertukoa izan delako, mugimendu eta luzaketak era egokian egiteko adierazi duen jakimina itzela izan delako eta zailtasunetan edo ezjakintasunetan, motibatzeko izan duen gaitasuna nabarmena izan delako.

Edozein ikastaroetan lorpenak norberaren baitan daude, baina oinarri garrantzitsua begiralearen jarrera da, hain zuzen, Saioak adierazi didana. Besterik ezean eta aldez aurretik eskerrak emanez, agurtzen zaitut.

Irene Olazabal
“
Ohartze bat da Saioarekin jardutea. Ohartzea joan litekeela bizian geldo eta geldoan bizi. Gogorrean bigun eta bigunean gogor. Mugimendua dagoela estatikoan, eta bidaiatu litekeela esfortzuan. Erritmoari eta arnasketari buruzkoak izan litezke irakatsiak, baina sentsazioei eta talde lanari buruzkoak dira bizipenak. Nekea irribarre, eta izerdia zorion bihurtzeko abilezia ez du edonork. Saioak bai.

Enekoitz Telleria
“
Azkenean aurkitu dut entrenamendu perstonal, espezifikoa eta irizpidea duena, aspalditik bilatzen nuena. Saioaren entrenatmenduak ondo egituratuta daude, helburu argi batekin, eta, gainera, dibertigarriak dira.

Inma Cires
“
Saioarekin klasea emateak energia ematen dizu. Irrifarrez hasten da beti eta positibotasuna transmititzen dizu. Zorrotza eta malgua, behar denean, bainan beti gertutasunetik. Profesionala eta motibagarria. Zalantzarik gabe, gomendagarria.

Haritz Núñez
“
Nire ikuspuntutik, Saioren entrenamenduak exijentzia eta gozamenaren arteko oreka perfektua dute. Nire konfort zonatik haratago jutera behartzen nauela sentitzen dut, nire mugaz haratago, ia konturatu gabe, eta hain profesionalki egituratuak edukita… kontua da oso emaitza onak ematen dituela.

Indartsuago, neke gutxiagorekin, gaitasun fisiko handiagorekin sentitzen naiz, nire egunerokotasuna erosoagoa eginez. Ni naiz eguna jaten duena, eta ez eguna ni jaten nauena. Zalantzarik gabe gomendatzen dut.

Bere entrenamendu pertsonalekin gazteago sentitzen naiz, eta gehiago gozatzen dut bizikletaz eta mendian egiten ditudan ibilaldiez. Powerrarekin sentitzen naiz, ondo sentitzen naiz. Jarri diezaiokedan traba bakarra da kantatzea ez duela oso ondo egiten baina… irakaslea da eta ezin dugu ezer egin. Guztia ez da posible XD

Anahí L. Marful

Nire plana ZURETZAT DA...

Kirolaria bazara eta osasunarekin, orekarekin eta zure potentzialaren garapenarekin konpromezu maila altua baduzu
Herri lasterketetan parte hartzen jarraitu nahi baduzu baina ez badakizu zein modutan egokitu zure entrenamendua helburu hori lortzeko
Zure entrenamendu ohitura gorputz–gogo oreka areagotzen duen entrenamendu perstonalekin aberastu nahi baduzu
Pandemia dela eta ariketa fisikoa alde batera utzi eta berreskuratu nahi baduzu
Beti izan zara kirolaria baina berriki ama izan zara eta zure forma fisikoa berreskuratzeko asmoa eta motibazioa baduzu

Nire plana EZ DA ZURETZAT...

Ez zaude prest ariketa fisikoa zure egunerokotasunaren eta ohituren parte izateko
Ez baduzu beharrezkoa den motibazioa planarekin konpromezua hartzeko
Ez dakizu kirola gustuko duzun eta gauza berri bat probatu nahi duzu soilik
Zure modura bakarrik entrenatzeko prest bazaude entrenamendu pertsonal bat nahi arren
Zure helburua pisua galtzea baldin bada besterik gabe

Izen emateak eta informazio gehiago 679 21 98 77 telefonoan

Eskerrik asko!

Zalantzarik?

Zertan datza akonpainamendu pertsonalizatuak?

Astero jasoko duzu zure planaren laburpena etapa bakoitzean non, zertarako eta zergatik zauden jakin dezazun

Nolakoa izango da nire transformazioa?

Pentsa ezazu ez dela bakarrik zure gorputza aldatuko, baizik eta zure bizitza. Hilero hilero zure egitura indartsuago, arinago eta errekuperazio gaitasun maila handiagoarekin sentituko duzu. Hau dela eta, gaixotasun edo lesioak jasateko aukera zeharo txikituko da eta zure energia, zoriontasun eta lasaitasun mailak gora egingo dute.

Pisua galduko dut?

Pisua galtzea ez da entrenamendu pertsonalizatuen helburua, baizik eta zure egoera fisikoa, osasun eta oreka maila areagotzea. Egia da prozesuan zehar grasa bolumena galdu eta masa muskularra irabaziko duzula, zure silueta alda daiteela, baina honek ez du zergatik eraginik izango zure pisuan.

Zer motako materiala beharko dut?

Ez duzu materialik ekarri behar, entrenatzeko Saiorekan beharrezko materiala dakazulako. Soilik eskuohiala, ura edateko botila eta kirola egiteko zapatila egokiak beharko dituzu.

Zein hizkuntzatan dira klaseak?

Elebiduna naiz. Euskara eta gaztelaniaz hitz egiten dudanez ikasle bakoitzaren beharretara egokituko naiz.

Zenbat denbora beharko dut aldaketa nabaritzen hasteko?

Pertsona bakoitza , gorputz bakarra dauka. Hala ere prozesuan aurrera egiten dugun einean zure egitura indartsu, arin eta flexibleagoa nabarituko duzu.

Zergatik entrenamendu pertsonal hauek ez dira guztiontzat?

Urteetan zehar egiaztatu dut klasera behartuta eta motibaziorik gabe etortzeak edo helburu argi eta benetako konpromezuarekin etortzeak ez duela zerikusirik. Azken finean jarrera asuntua da, eta jarrera hori klaseetan funtsezkoa da bai niretzat irakasle bezala, bai taldearentzat. Nik aktibitate fisikoarekin gozatzen duten pertsonekin egiten dut lan, gorputz eta buru oreka zaindu, eta mantendu nahi duten pertsonekin, kirolarekin ondo pasatzen duten pertsonekin.